மஞ்சள் மேகமாய் என் மனதை


மஞ்சள் மேகமாய்
என் மனதை
கொள்ளை கொண்டாய்
மரணத்திலும்
மறக்கக்கூடதென
நினைக்கும் நொடிகள்
அவையெல்லாம்!
இருந்தும்
மறந்தே ஆகவேண்டும்
என்று
வானை பார்காது
தரை பார்த்து நடந்தேன்
சில காலம்...!

விதி யாரை விட்டது
மீண்டும்
என் வானில்
அதே மேகம்
இம்முறை
இன்னும் நெருக்கமாய்
ஓர் ஓடம் போல்
என்னை ஏற்றிச் சென்று
வானவில் எல்லாம்
சுற்றிக் காட்டியது
வாழ்வை வாழ்ந்த கணங்கள்
அவை எல்லாம்...!!!

விதிக் காற்றில்
என் மேகமும்
என்னை தரையிறக்கிக்
கலைந்து சென்றது
அதுவும் பாவம்
என்ன செய்ய
காலங்களின் கணக்கை
யார் அறிவார்...!!

முழுவதும் நீயென
வாழ்ந்தவன்
இன்று உன்
முகவரி கூட
தெரியாது
தவிக்கின்றேன்
உருகும்
கண்ணீர்களை
கவிகள்
கொண்டு துடைக்கிறான்...!!!
மகிழ்ந்து வாழ்வதாய்
என்னை நானே
ஏமாற்றி
வாழ்கின்றேன்
இன்னும் எத்தனை
காலங்கள்...!!!

மறக்க எத்தனிக்கும்
தருணங்கள்
எல்லாம்
மேலும் மேலும்
மூழ்குவதால்
அதனை தீண்டாமலே
வாழ்ந்து கொண்டுள்ளேன்...!!

மறுமுறையும் வேண்டாம்
இந்த மனவடுக்களே
இன்னும்
ரணங்களாய்
என்னை தைக்குதடி
இப்படியே
நான் இருந்து விட்டு
போகின்றேன்
இன்னும் ஓர்
மரண வேதனை
என் மனம் தாங்காதம்மா!

என்னதான் இருந்தாலும்
என் வாழ்வின்
மிகவும்
மகிழ்ந்த கணங்கள்
யாவும்
உன்னுடனான
நினைவுகள் மட்டும் தான்
அது போதும்
இந்த ஜென்மம் முழுவதும்
அடுத்தமுறையேனும்
உனக்கு
பிடித்தபடி பிறப்பெடுப்பேன்
அப்போது
என் மேகம் என்னை
மழை கொண்டு
கட்டிக் கொள்ளும்....!!!!




 

Comments

Post a Comment

Popular posts from this blog

நமக்கு ஒரு பழக்கம் உண்டு.

Image
 நமக்கு ஒரு பழக்கம் உண்டு. ஒருவர் இப்படித்தான் இருக்கவேண்டும் என்று நாமாக உருவாக்கிக்கொண்ட சில அளவுகோல்கள் நம்மிடம் உண்டு. அந்த அளவீடுகளுக்கு அவர் பொருந்தவில்லை என்றால். நம் கற்பனைக் கணிப்பீடுகளுக்குள் அவர் சிக்கிக்கொள்ளவில்லை என்றால், அவர்மீது முதலில் தோன்றுவது வெறுப்பு. அதுதான் அவனுக்கு நிகழ்ந்தது. ஆர்வக்கோளாறு over Attitude பேராசை பிடித்தவன் over படம் தோனியாக தன்னை நினைத்துக்கொண்டான் இன்னும் பற்பல........ இவை நம் அளவுகோல்களில் சில. வேடிக்கை என்னவென்றால் இவைகள் நம்மிடமும் நமக்கே தெரியாமல் இருப்பதுதான். மற்றவரை விமர்சிக்க மட்டும் நாம் பயன்படுத்திக் கொள்கின்றவை. ஒருவேளை அவன் இவைகளாக இருக்கலாம். இல்லாமலும் இருக்கலாம். அல்லது கொஞ்சம் கொஞ்சமும் இருக்கலாம். என்னைக் குறைகளோடு சகித்துக்கொள்ளாமல்,ஏற்றுக்கொள்கிற ஒரு சில மனிதர்கள் இருப்பதால்  இப்போதெல்லாம் கர்த்திக் பாண்டியாக்கள்  எனக்கு எரிச்சலை ஏற்படுத்தாமல் மாறாக ரசிக்க வைக்கிறார்கள். நமது சிக்கல் மனிதரைக் குறைகளோடு ஏற்றுக்கொள்வதில் இருக்கும் முரண்தான். ஒருவேளை அவன் இடத்தில் நாம் இருந்து ஒரு பெரிய அணி நல்லவாய்ப்பு வழங்க அணுகும்...
Read more

திருமணம் முடிப்பது உடல் தேவைகளை தீர்த்துக் கொள்ள மட்டுமே என்பதைப் போல் தான் இன்று பல வாலிபர்கள் திருமண வாழ்க்கையில் இனைகின்றனர்.

Image
 திருமணம் முடிப்பது  உடல் தேவைகளை தீர்த்துக் கொள்ள மட்டுமே என்பதைப் போல் தான் இன்று பல வாலிபர்கள் திருமண வாழ்க்கையில் இனைகின்றனர். அவர்களைப் பொறுத்தவரை மனைவி என்பவள் திருமணம் முடிக்கும் வரை அத்தியாவசியத் தேவை, அதன் பின் அவள் ஒரு  வாழ்நாள் தொல்லை என்பதைப் போல் தான் நடந்து கொள்வார்கள். அதற்கு ஏற்றால் போல் நகைச்சுவைகளும், வீடியோ க்லிப்களும் மனைவியை கலாய்ப்பது, திருமணத்தின் பின் மனைவி ஒரு தொல்லை போன்று சித்தரித்து வெளிவர, அதனை இவர்கள்  நிஜ வாழ்விற்கு உருக்கொடுத்து வாழ முயற்சி செய்கின்றனர். இவர்களுக்கு மனைவி தொல்லையாகிப் போவது எங்கென்றால், திருமணம் முடித்து விட்டோம், எமக்கு என்று ஒரு மரியாதை வேண்டும், எமது மனைவிக்கு என்று மரியாதை இருக்க வேண்டும். என் பிள்ளைகளுக்கு மரியாதையான தகப்பனாக நான் இருக்க வேண்டும், எனக்கு என்று ஒரு குடும்பம் உள்ளது அதன் மானத்தை காக்க வேண்டும் என்ற எந்த சொரனையும் இல்லாமல், 24-25 வயதாகும்போதே 17-18 வயதில் ஒருத்தியை தேடி திருமணம் முடித்துக் கொள்கின்றனர். சில நாட்களின் பின் "இவ்வளவு தானா பொம்புள" என்பது போல் அனைத்தும் தீர்ந்த பின், கிரிக்கட் மட்டையை,...
Read more